ACCIÓN CULTURAL

Preséntase unha nova edición das Xornadas de Música Contemporánea baixo o título 'A voz a escena'

31/05/2023

Dez propostas achegarán de novo a música dos séculos XX e XXI a Compostela, nunha nova edición que terá lugar do 1 ao 27 de xuño en varios espazos da cidade, con entradas de balde. As XMC están organizadas polo Auditorio de Galicia, a USC (Vicerreitoría de estudantes e cultura) e o Centro Galego de Arte Contemporánea, e contan co apoio económico da Deputación da Coruña.

Leer más

EDUCACIÓN

Publícanse as listas definitivas das escolas infantís municipais para o vindeiro curso

30/05/2023

O Concello de Santiago acaba de publicar a listaxe definitiva de admitidos/as e excluídos/as así como a lista de agarda para as escolas infantís municipais de Conxo, As Fontiñas e Salgueiriños-Meixonfrío. As familias con nenos e nenas que teñan adxudicada unha praza para este curso escolar 2023-2024 deberán formalizar a matrícula entre o día 6 e o 16 de xuño.

Leer más

MEDIO AMBIENTE

#EuCompost_ela organiza un Laboratorio de Economía Circular para a cativada

30/05/2023

O Concello de Santiago e a Unión de Consumidores de Galicia poñen en marcha unha nova actividade dirixida ao público infantil no marco do proxecto #EuCompost_ela. Trátase dun laboratorio co que se pretende achegar a economía circular a nenos e nenas entre 5 e 12 anos, acompañados por adultos, a través da experimentación e a creación in situ. En total realizaranse oito edicións en diferentes datas e zonas da cidade.

Leer más

CENTROS SOCIOCULTURAIS

Publicada a listaxe de admitidos/as a sorteo para as "Cativadas de verán" dos Centros Socioculturais de Santiago

30/05/2023

O Concello de Santiago acaba de publicar a listaxe das persoas admitidas a sorteo para participar no programa de conciliación das Cativadas de verán que se vai desenvolver na Rede de Centros Socioculturais durante as vacacións do mes de xullo. Este ano ofértanse 310 prazas, 150 nos centros urbanos e 160 nos do rural, das que se poden beneficiar todos os nenos e nenas empadroados en Santiago.

Leer más

COMERCIO

As actividades da Prima 23 adiadas pola chuvia celebraranse o 2, 3 e 17 de xuño

29/05/2023

A Festa do Comercio local Prima 23, que se celebrou o 4, 5 e 6 de maio, estivo acompañada pola chuvia, o que obrigou a suspender algunhas das actividades prevista. O Concello recupéraas agora para o venres 2 e os sábado 3 e 17 de xuño. Ademais, debido ao gran éxito que tivo, repetirase a ruleta con agasallos que, nesta ocasión, estará na praza do Toural.

Leer más

URBANISMO

A Xunta de Goberno Local aproba inicialmente o Plan parcial de ordenación do SUND-4 de Rebordaos, no que se poderán construír ata 400 vivendas

27/05/2023

A Xunta de Goberno Local, reunida onte en sesión extraordinaria, aprobou inicialmente o "Plan parcial de ordenación do SUND-4 (Rebordaos), promovido por iniciativa particular. Este plan parcial ordena unha superficie edificable total de 48.506 metros cadrados, resultado de aplicar o índice 0,30 sobre a superficie neta computable de 161.687 metros cadrados. Desta edificabilidade total, 38.805 metros cadrados, un 80% serían de uso residencial, dacordo coas ordenanzas; e o resto, 9.701 metros cadrados, un 20%, de uso terciario comercial e outros.

Leer más

OBRAS

Aprobado o proxecto de acondicionamiento do edificio que acollerá o Centro de Interpretación Rupestre de Villestro

27/05/2023

A Xunta de Goberno, reunida onte en sesión extraordinaria, aprobou o proxecto de acondicionamento do edificio no que se instalará o "Centro de Interpretación Rupestre de Villestro", que conta cun orzamento de 225.824,51 euros, IVE engadido. A edificación sobre a que se vai actuar ten dous andares, cunha superficie total construída total de 273 metros cadrados.

Leer más
Compartir: