Noticias

O alcalde de Santiago, Mariño Noriega, e a concelleira de Políticas Sociais, Concha Fernández, mantiveron sendas xuntanzas con representantes da Rede Galega contra a Pobreza e de Stop Desafiuzamentos. Con estas reunións, en palabras do rexedor municipal, "quixemos simbolizar o que para nós é unha prioridade nesta lexislatura: erguer a bandeira social nas políticas do Concello".

A concelleira de Deportes, Noa Morales, presentou a primeira proba da Copa Galega de Escalada en Bloque, que se celebrará este sábado 27 de xuño na praza da Quintana. O Concello de Santiago colabora co Club Deportivo Fontiñas e coa Federación Galega de Montañismo na organización deste evento.

A Banda Municipal de Santiago dedica o seu concerto deste xoves á música descritiva. A actuación, titulada Poemas & Danzas celebrarase, como é habitual no Ciclo de Verán, na praza das Praterías, ás 20:00 horas.

Este sábado 27 de xuño celebrarase en Conxo unha nova entrega do programa Imos ao baile, organizado pola Concellaría de Acción Cultural.

O alcalde compostelán, Martiño Noriega, expresou a vontade do Goberno municipal de convocar o pleno de constitución para finais da semana vindeira. Así o anunciou tras a segunda xunta de voceiros, na que se volveu tratar o réxime dedicacións exclusivas, persoal eventual e remuneracións, así como a representación en comisión informativas e organismos municipais.

A Casa do Cabido, na praza das Praterías, acolle dende finais de febreiro a exposición CENTO25 sinerxias creativas, que conmemora os 125 anos da Escola de Arte e Superior de Deseño Mestre Mateo, con sede en Santiago. A mostra creárona os alumnos da especialidade de Arquitectura Efémera do centro como un proxecto dos seus estudos.

O vindeiro 1 de xullo entran en vigor os horarios de verán no servizo de transporte urbano. Este ano prodúcese un aumento de servizos respecto ao anterior verán.