ALCALDÍA

Máis de 5.000 escolares de Santiago e comarca participarán na XV Campaña Municipal de Animación á Lectura

24/03/2015

O alcalde de Santiago, Agustín Hernández, inaugurou na Galería Sargadelos a XV Campaña Municipal de Animación á Lectura, organizada pola Concellería de Educación e Kalandraka Editora, que este ano leva por título "Ler é voar". A día de hoxe, xa están inscritos para participar nas actividades 3.200 escolares de escolas infantís e centros e infantil e primaria de Santiago e comarca. A previsión é superar os 5.000 participantes.

Ler máis

ECONOMÍA

O programa Urbano Norte promove a actividade empresarial durante esta semana a través de diversos módulos formativos

24/03/2015

A Concellería de Economía organiza ata o 27 de marzo o programa Urbano Norte de promoción da actividade empresarial. O programa está dirixido a persoas emprendedoras, emprendedores, traballadores, persoas desempregadas e veciños, que teñen estes días a oportunidade de asistir a diversos módulos formativos. Todos eles impártense nun autobús histórico de 25 prazas. Este programa organízase dentro do Urbana Santiago Norte, proxecto cofinanciado polo Fondo Europeo de Desenvolvemento Rexional (FEDER).

Ler máis

DEPORTES

A MediaSan do Camiño alcanza a súa segunda edición co ánimo de converterse nunha referencia no calendario atlético galego

24/03/2015

O Centro Comercial Compostela acolleu a presentación do II Medio Maratón MediaSan do Camiño, que se celebrará o domingo 12 de abril e que transcorrerá pola última etapa do Camiño de Santiago entre Arca (O Pino) e a praza do Obradoiro. Os detalles da proba foron explicados nunha rolda de prensa na que participaron a concelleira de Deportes, María Corral; o alcalde do Pino, Manuel Taboada; o responsable de Relacións Externas de El Corte Inglés, José Manuel Blanco; o delegado en Santiago da Federación...

Ler máis

CONSORCIO

A Real Filharmonía ofrece un concerto este xoves no Círculo das Artes de Lugo

24/03/2015

A Real Filharmonía de Galicia ofrece este xoves, 26 de marzo, un concerto no Círculo das Artes de Lugo, ás 20:30 horas. Dirixirá a orquestra o mestre xamaicano Andrew Gourlay. Nesta cita reflectirase a paixón polo Clasicismo a través de Haydn e Beethoven. Como contraste e complemento, tamén se escoitará a música do compositor finés Jean Sibelius.

Ler máis

CONSORCIO

Concerto dos alumnos da Escola de Altos Estudos Musicais no Paraninfo da Universidade de Santiago

24/03/2015

No marco do programa A Escola na Cidade, que promove a Escola de Altos Estudos Musicais (EAEM), con sede en Santiago de Compostela, este mércores, 25 de marzo, celebrarase un novo concerto protagonizado polos alumnos do curso de posgrao do centro. Terá lugar ás 20:00 horas no Paraninfo da Universidade de Santiago, na Facultade de Xeografía e Historia. A entrada é gratuíta ata completar aforo. A duración estimada desta actuación é dunha hora.

Ler máis

CULTURA

Trece novos espectáculos no ciclo Teatro 2015

24/03/2015

A concelleira de Cultura, María Antón, e o director-xerente do Auditorio de Galicia, José Víctor Carou, presentaron o programa do ciclo Teatro 2015 para o que queda de ano. Serán 13 novos espectáculos que se veñen unir ás cinco propostas xa realizadas no primeiro trimestre e que traerán á cidade o mellor do teatro español en xira. Calidade dos textos e dos actores e actrices que os poñerán sobre as táboas son o denominador común das propostas que poderemos ver no Teatro Principal,...

Ler máis

ALCALDÍA

Santiago acollerá en xullo a reunión anual de directores do Instituto Cervantes

24/03/2015

O alcalde de Santiago, Agustín Hernández, recibiu o secretario xeral do Instituto Cervantes, Rafael Rodríguez-Ponga, quen lle comunicou que a cidade será sede da próxima Reunión Anual de Directores da institución na segunda quincena do vindeiro mes de xullo. Na xuntanza falaron sobre esta cita, que congregará durante varios días aos máximos responsables do Cervantes para marcar as liñas de actuación do curso seguinte. Na reunión participaron tamén a concelleira de Cultura e Patrimonio,...

Ler máis

DESENVOLVEMENTO URBANO SOSTIBLE

Santiago súmase á Hora do Planeta

24/03/2015

Como xa vén sendo habitual nos últimos anos, a última fin de semana do mes de marzo celébrase a Hora do Planeta ou Earth Hour, impulsada polo World Wide Fund for Nature (WWF) a nivel mundial. Santiago de Compostela volverá a sumarse a esta cita.

Ler máis

EDUCACIÓN

Alumnos de sexto de primaria do CEIP Raíña Fabiola visitan Salamanca grazas ao programa "Aula de Patrimonio"

24/03/2015

Un grupo de 25 alumnos e alumnas do CEIP Raíña Fabiola están visitando a cidade de Salamanca como premio por ser os vencedores deste ano do programa Aula de Patrimonio, unha iniciativa organizada polo Grupo de Cidades Patrimonio da Humanidade de España que ten como obxectivo que o alumnado que vive e estuda nunha cidade patrimonio aprenda a coñecer e valorar non só a súa cidade, senón tamén o resto de cidades que ostentan o mesmo título outorgado pola UNESCO.

Ler máis

CULTURA

Matarile Teatro presenta "Hombres bisagra" dentro da programación do ciclo Danza 2015

24/03/2015

O Teatro Principal acolle o último traballo de Matarile Teatro, veterana compañía compostelá con case 30 anos de historia ás costas cuxas producións e traxectoria mereceron numerosos galardóns. Hombres bisagra é unha proposta escénica híbrida que se achega máis á idea de concerto que á de representación teatral. Poderemos vela este mércores e de novo xoves e venres, ás 20:30 horas, no Teatro Principal, dentro do ciclo Danza 2015.

Ler máis
Compartir: