ALCALDÍA
O Concello destina máis de 300.000 euros a acondicionar os centros escolares durante o verán para o inicio do curso 2014-2015
O alcalde de Santiago, Agustín Hernández, acompañado pola concelleira de Educación, María José Corral, visitou esta mañá tres dos centros escolares incluídos no plan de obras do verán que está a executar a Concellería de Educación: CEIP Vite, CEIP Lamas de Abade e Escola Infantil de Conxo. Este programa de traballos e outras tres obras complementarias suporán un investimento de máis de 300.000 euros.
CULTURA
"Peor imposible", o novo espectáculo de Peter Punk, en Verán na Rúa
O programa Verán na rúa vive as súas últimas xornadas. Este venres 29 de agosto chega Peter Punk, co seu novo espectáculo, Peor imposible. Será ás 19.30 horas na praza de San Martiño Pinario, con entrada libre. Aínda quedan por recuperar a vindeira semana os dous espectáculos suspendidos polo mal tempo. As datas anunciaranse mañá venres.
