Noticias

O alcalde de Santiago, Martiño Noriega, recibiu un grupo de arquitectos e expertos da cidade ecuatoriana de Quito que están en Santiago para coñecer os traballos de rehabilitación e xestión do centro histórico. Quito está a traballar no Plan de Xestión do seu centro histórico e elixiu a cidade de Santiago como un modelo de referencia. Tras ser recibida polo rexedor, a comitiva visitou o Pazo de Raxoi acompañada tamén polo concelleiro de Espazos Cidadáns, Jorge Duarte, e pola xerente do Consorcio de Santiago,...

A praza do Obradoiro acolleu un minuto de silencio para condenar o último asasinato machista, que deixou este domingo unha vítima en Vinarós (Castellón).

Na súa décima edición, o Premio Auditorio de Galicia para Novos artistas recoñece o labor do creador sonoro Berio Molina (A Fonsagrada, 1979). Escapes, a peza que o fixo merecedor do primeiro premio do certame, é unha instalación sonora que explora, segundo o autor, "a capacidade dos obxectos de fuxiren das determinacións ordinarias e que procura desbloquear e desocultar relacións tópicas nas que operan sempre os poderes do cotián, ou do normativo, ou do normalizado", en palabras de Alberto R. de...

A Dirección Xeral de Tráfico pon en marcha unha nova campaña de control do transporte escolar. No marco da mesma, a Policía Local realizará inspeccións entre o 27 de novembro e o 1 de decembro e o seu obxectivo é revisar que se cumpran os requisitos obrigatorios relativos ao transporte de menores en idade escolar, como o uso do cinto de seguridade, o acompañamento dunha persoa adulta autorizada ou a documentación actualizada do vehículo.

A concelleira de Políticas Sociais, Concha Fernández, presentou xunto co director e actor Rubén Riós, os dous traballos audiovisuais cos que se quere conmemorar o 4 de decembro, Día Mundial das Discapacidades. O documental Máis ca vida e a curtametraxe Vida serán proxectados no Teatro Principal o domingo 3 de decembro, ás 18:00 horas. Haberá tamén un coloquio e unha actuación do grupo Máis Boas cás Patacas". A entrada será de balde ata completar aforo.

O alcalde de Santiago mantivo unha reunión con representantes da asociación Compostela Solidaria, que informaron a Martiño Noriega sobre os preparativos do seu III Concerto Solidario. Será o 15 de decembro, ás 20:00 horas, no Auditorio Abanca, e os fondos recadados irán nesta ocasión para a asociación Centinelas.

O alcalde visitou este mediodía o Museo do Pobo Galego, acompañado polo director do centro, Carlos García, e polo presidente do Padroado do Museo, Justo Beramendi. A visita responde ao convite da entidade e enmárcase, segundo explicou Martiño Noriega, "na aposta que están a facer as diferentes administracións para converter o Museo do Pobo Galego no museo nacional do país".

A educación é unha ferramenta fundamental para a erradicación da violencia de xénero, e como tal "é no ámbito educativo onde se deben deseñar e implementar proxectos e estratexias para previla, sendo este o primeiro paso para acadar un auténtico modelo educativo igualitario, capaz de rachar cos mitos, estereotipos e prácticas discriminatorias no referente ao xénero". Así comeza o manifesto de rexeitamento da violencia lido este luns no acto de conmemoración da USC do 25N, ao que asistiu a concelleira...

Este martes poñerase o punto final á 31ª edición de Cineuropa. En 2017, o festival ocupou 22 días dun mes de novembro no que se proxectaron 264 títulos de máis de 50 países en seis sedes compostelás. A cerimonia de clausura estará protagonizada polas/os compoñentes do I Xurado Novo de Cineuropa, sete mozas e mozos que valoraron ao longo destes días un total de 29 filmes e que outorgarán esta xornada os Premios á Mellor Película, Mellor Dirección, Mellor Guión,...