IGUALDADE
Minuto de silencio pola última vítima mortal de violencia vicaria
A praza do Obradoiro acolleu este mediodía un minuto de silencio polo menor asasinado en Girona o pasado 3 de abril, vítima de violencia vicaria.
FESTAS
Aberto ata o 8 de maio o prazo para inscribirse no 5º Mercado do Libro da Festa do Banquete
Conxo acollerá os vindeiros 24, 25 e 26 de maio unha nova edición da Festa do Banquete cunha amplo programa de actividades entre o que se atopa o Mercado do Libro, que se desenvolverá o sábado 25 e o domingo 26 na praza Aurelio Aguirre. Baixo a organización do Departamento de Comercio do Concello, este espazo acollerá expositores dos sectores do libro que poderán presentar a súa solicitude ata o día 8 de maio. Tamén estará aberto ata o 13 de maio o prazo para a solicitude de ocupación da vía...
PARQUES E XARDÍNS
O CIPX do Parque de Belvís acolle un curso de iniciación á horta ecolóxica
O Curso de iniciación á horta ecolóxica foi impartido por Enrique Banet, presidente da Fundación Galicia Verde, o pasado 5 de abril no CIPX (Centro de Información dos Parques e Xardíns) do Parque de Belvís. Trátase dunha formación impulsada polo Concello de Santiago a través do seu Servizo de mantemento, conservación e mellora dos espazos verdes e arboredo dirixida á cidadanía.
XUNTA DE GOBERNO
A Xunta de Goberno dá luz verde á adxudicación do contrato de rehabilitación de firmes en nove rúas da cidade
O executivo municipal aprobou esta mañá a adxudicación do contrato para a realización das obras de rehabilitación de firmes de vías urbanas á empresa MOVIMIENTO DE ARIDOS Y CONSTRUCCIONES DE AROSA, S.L por un importe de 302.998,01 €. Tamén se deu luz verde a varias adxudicacións entre as que destaca as do contrato para as obras de reurbanización da Rúa do Pombal á UTE REURBANIZACION POMBAL (INSIDE-OVIGA) por importe de 732.420,01 € así como a do servizo da dirección facultativa e de obra e a...
DEREITOS E SERVIZOS SOCIAIS
O Concello súmase á celebración do Día Internacional do Pobo Xitano
A alcaldesa de Santiago, Goretti Sanmartín, acompañada por Isabel Suárez, coordinadora da Fundación Secratario Xitano (FSG) en Santiago, e representantes dos demais grupos municipais, deron lectura ao manifesto institucional en conmemoración do Día Internacional do Pobo Xitano, que tamén se celebra coa colocación da bandeira ou co canto do himno Gelem, Gelem, símbolos deste colectivo.
ALCALDÍA
A alcaldesa visita as obras do Centro de Protonterapia no CHUS no día do seu inicio
A alcaldesa de Santiago, Goretti Sanmartín, participou esta mañá no acto que marca o inicio das obras do Centro de Protonterapia de Galicia no CHUS que cualificou como "un excepcional avance para a curación e mellora da calidade de vida de moitas persoas da comunidade enteira".
XUNTA DE GOBERNO
Aprobadas as bases da convocatoria de subvencións destinadas ás asociacións veciñais
A Xunta de Goberno Local aprobou hoxe as bases da convocatoria de subvencións dirixidas ás asociacións veciñais de Santiago de Compostela, para o desenvolvemento de programas e actividades de interese xeral. Estas axudas contan cun orzamento de 98.000 euros.
ALCALDÍA
O Concello aprobará unha nova Relación de Postos de Traballo co obxectivo de axilizar os procedementos administrativos
Coa nova RPT crearase unha sección especializada na xestión do gasto con catro unidades que permitirá aos departamentos municipais liberarse das tarefas de tramitación de gasto nas que non son especialistas para favorecer a rapidez e a axilidade no Concello. A alcaldesa de Santiago, Goretti Sanmartín, deu conta desta medida e doutros avances no marco do proceso de reforma para mellorar o funcionamento da administración.
ALCALDÍA
Santiago presenta o proxecto ‘Entre Sar e Sarela’ ao Partenariado Greening Cities da Comisión Europea
A alcaldesa de Santiago, Goretti Sanmartín, anunciou en rolda de prensa que esta tarde manterá un encontro con representantes do Partenariado Greening Cities da Comisión Europea aos que lles presentará de primeira man o proxecto 'Entre Sar e Sarela' e as estratexias de renaturalización urbana e fluvial que se levarán a cabo no marco deste proxecto. Este grupo de traballo, integrado por máis de 30 entidades de toda Europa, pretende definir os indicadores aplicables a aqueles proxectos europeos que impulsan as infraestruturas verdes nos...
UMAD
O Concello de Santiago empraza a Xunta a asumir os compromisos para a prestación do servizo da UMAD
A concelleira responsable da UMAD, Pilar Lueiro, participou nunha reunión con representantes da FEGAMP en que, por unanimidade, os concellos rexeitaron o novo convenio proposto pola Xunta dirixido a sufragar os gastos deste servizo porque afecta de xeito negativo ao seu mantemento. A administración galega só concede o 70% do custo da UMAD e pretende aplicar un pagamento fraccionado, cando se trata dunha competencia autonómica da que tiña o compromiso de asumir en xaneiro de 2024 a súa xestión.
