Noticias

A Concellaría de Políticas de Igualdade ofrece este xoves, de 19:00 a 20:30 horas, unha nova entrga do programa Artellando Feminismo cunha xornada en liña, de 19:00 a 20:30 horas, na que se falará sobre estereotipos de xénero. A iniciativa seguirá durante este mes de xuño con dúas novas xornadas os días 11 e 18.

A Escola de Altos Estudos Musicais (EAEM), con sede en Santiago de Compostela, organiza unha nova edición do Curso de Especialización Instrumental 2020-2021. Esta iniciativa diríxese a estudantes de música de grao medio ou superior que desexen perfeccionarse nalgún destes instrumentos: violín, viola, violoncello, contrabaixo, frauta, óboe, clarinete, fagot, trompa, trompeta, trombón ou percusión.

Como vén acontecendo cada semana, o alcalde de Santiago, Xosé Sánchez Bugallo, mantivo unha xuntanza cos representantes das asociacións de comerciantes Comercio Punto Compostela, Compostela Monumental, Em-Rede e Fundación Santiago Centro. Nesta ocasión, ademais de seguir avanzando en cuestións como o bono de estacionamento ou a campaña do comercio local, os/as representantes das asociacións comerciais puideron coñecer o vídeo promocional da campaña...

A Xunta de Goberno, nunha sesión extraordinaria celebrada este mércores, aprobou a apertura do procedemento de adxudicación das obras de acondicionamento na rúa de Triacastela para construír un estacionamento en superficie. O tipo de licitación é de 295.306 euros.

A concelleira de Deportes, Esther Pedrosa, deu conta en rolda de prensa do plan de desescalada deste departamento municipal. Anunciou que ata o 15 de xuño estará aberto o prazo de solicitude extraordinaria de uso das instalacións deportivas municipais.

O alcalde de Santiago, Xosé Sánchez Bugallo, e a conselleira de Infraestruturas e Mobilidade, Ethel Vázquez, mantiveron este martes unha xuntanza cos responsables da empresa municipal Tussa para abordar a xestión da nova estación de autobuses da intermodal de Santiago. Na reunión tamén participaron os concelleiros de Urbanismo, Mercedes Rosón; e de Mobilidade e Seguridade Cidadá, Gonzalo Muíños; o director municipal da Área de Urbanismo, Ignacio Cerrada; e o director xeral de Mobilidade da Xunta, Ignacio...

A praza do Obradoiro acolleu este mediodía un minuto de silencio para condenar os últimos catro asasinatos machistas, os acontecidos este luns en Espluges de Llobregat (Barcelona), o pasado 13 de abril en Valladolid, o 30 de abril en Corbera de Llobregat (Barcelona) e o 28 de maio en Girona.

A concelleira de Benestar Animal, Esther Pedrosa e a directora do Refuxio de Animais de Bando, Olalla García, explicaron en rolda de prensa o plan de desescalada desta instalación municipal. A partir do 21 de xuño, o Refuxio abrirá ao público nos horarios habituais.

As tardes do Espazo Apego acollen durante este mes de xuño nunha contorna segura actividades relacionadas coa crianza en galego: charlas, obradoiros, contos, música, xogos… Para poder cumprir as normas de distanciamento, todas as actividades terán un límite reducido de asistentes e precisarán inscrición previa en dlg@santiagodecompostela.gal.

Os concelleiros de Urbanismo, Mercedes Rosón; de Turismo, Sindo Guinarte; e de Mobilidade e Seguridade Cidadá, Gonzalo Muiños; reuníronse con responsables da Asociación Hostalería Compostela. Foi unha xuntanza de seguimento, na que tanto o Concello de Santiago como a entidade valoraron positivamente como se está desenvolvendo o proceso de desescalada no sector hostaleiro e de restauración, e como os establecementos están, segundo explicou Sindo Guinarte, "recuperando progresivamente a normalidade que os límites de...