Concello de Santiago de Compostela

Saltar a contidos
Utilidades (Saltar):

Idiomas (Saltar):



Portada » Noticias » Noticias
URBANISMO

O novo Rexistro Auxiliar de Urbanismo resolve as licenzas de obra menor nun prazo máximo de tres días

Rexistro Auxiliar de Urbanismo.
Ampliar Rexistro Auxiliar de Urbanismo.


24/02/2012 Dende a súa apertura o 1 de febreiro, o Rexistro Auxiliar de Urbanismo realizou 95 rexistros de entrada, outros 111 de saída e emitiu cartas de pago por importe de 7.444 euros. Estas cifras foron anunciadas pola concelleira de Urbanismo, María Pardo, quen destacou a redución producida nos prazos de tramitación de licenzas grazas este servizo, co que isto supón "para a eliminación de trámites burocráticos e a dinamización da actividade urbanística".

A concelleira indicou que, no caso das obras menores, "todas as licenzas son resoltas antes de tres días; e se veñen coa documentación completa, dun día para outro". En particular, expresou a súa satisfacción por unha licenza de obra menor concedida en tres horas.

Tamén salientou a mellora da información que supón o novo Rexistro Auxiliar, ao ser os cidadáns directamente asesorados por técnicos de Urbanismo. Puxo como exemplo o de aquelas persoas que veñen a solicita unha licenza de apertura cando esta pode ser substituída polo procedemento de comunicación responsable, máis rápido.

Moitos cidadáns seguen presentando a súa documentación urbanística no Rexistro Xeral, pero María Pardo cre que é unha "tendencia" e "cuestión de tempo" que a maioría pasen a utilizar o Rexistro Auxiliar, xa que o seu funcionamento é "máis áxil".
Documentos relacionados

Voltar


A miña compostela

Pon esta web máis cómoda, máis rápida, máis ao teu xeito.

Axenda


Enviar | Imprimir | Arriba

© 2005, Concello de Santiago. Pazo de Raxoi. Praza do Obradoiro. Tel.: 981 542 300 (Centraliña) 981 542 357 (Alcaldía). Aviso legal