ALCALDÍA

O alcalde expresa o "orgullo" da cidade polo papel do Autos Lobelle na Copa de España

13/03/2012 Tan só unha semanas despois de ter pasado por Raxoi polo seu triunfo na Copa Xunta, o Autos Lobelle de Santiago FS foi de novo recibido polo alcalde compostelán, Xerardo Conde Roa. Esta vez, o club non puido levar o título da Copa de España, pero si realizou un gran papel, chegando á final ante o FC Barcelona.

O alcalde valorou "o esforzo, a loita e a superación" do equipo e animounos a seguir "co mesmo espírito que todos vimos en Logroño". "A cidade de Santiago está moi orgullosa do Lobelle", engadiu, emprazando ao club a novos retos.

O presidente do club compostelán, José Antonio Lobelle, entregoulle ao rexedor municipal unha camiseta do equipo co seu nome.

Documentos relacionados



Compartir: