Ayuntamiento de Santiago de Compostela

Saltar a los contenidos
Utilidades (Saltar):

Idiomas (Saltar):



Portada » Noticias » Noticias
RECOLLIDA DE LIXO

O Concello lanza unha campaña para fomentar o uso dos puntos limpos

O concelleiro sostendo os imáns da campaña.
Ampliar O concelleiro sostendo os imáns da campaña.


Imaxe da caseta queimada en Piñor.
Ampliar Imaxe da caseta queimada en Piñor.


Outra imaxe na que se poden apreciar os efectos do incendio.
Ampliar Outra imaxe na que se poden apreciar os efectos do incendio.


14/02/2012 O concelleiro de Barrios, Servizo de Recollida de Lixo e Limpeza Viaria e Brigada de Vías e Obras, Juan de la Fuente, presentou unha campaña para fomentar o uso dos puntos limpos de Piñor (Figueiras) e do Polígono do Tambre. Repartiranse 25.000 imáns que informan da dirección e do teléfono destas instalacións, para que os cidadáns poidan solicitar de balde a retirada dos seus residuos voluminosos.

"Non teñen máis que chamar e en función do voluminoso a retirar fíxaselles unha data e hora de recollida", indicou Juan de la Fuente recordando aos cidadáns a posibilidade de usar este servizo de modo gratuíto. Para que teñan presente esta alternativa, o Concello repartirá 25.000 imáns, dos que 12.500 serán repartidos a través dos 48 centros socioculturais e outros 12.500 nos centros educativos do municipio.

O concelleiro considerou que esta sinxela campaña é a "mellor fórmula" para chegar aos cidadáns, entre os que afirmou que existe certo descoñecemento da existencia destes dous puntos limpos de Piñor e Tambre e da posibilidade de solicitar a retirada destes residuos voluminosos.

Aproveitando a rolda de prensa, De la Fuente recordou que o Concello co seu traballo de erradicación de vertidos incontrolados. Neste sentido, xa se impuxeron seis sancións a particulares: 2 en Casal, 2 en Aríns, 1 en Amio e outra en Vidán. Ademais, dixo, téñense realizado apercibimentos tanto a empresas como a particulares, por vertidos irregulares e tamén polo depósito do lixo en horarios e lugares non habilitados. Este é o caso de varios locais do casco histórico, se ben o edil indicou que neste caso si foron atendidos os avisos previos.

As sancións impostas ata o momento foron as mínimas contempladas, 600 euros. No caso de reincidencia, estas multas poden chegar ata os 3.000 euros para particulares e ata 6.000 euros nas infraccións de empresas. En calquera caso, o concelleiro apuntou que estas sancións se impoñen cando non queda outra opción e "en ningún caso con ánimo recadatorio".

Caseta queimada en Piñor
Precisamente nun dos puntos limpos sinalados, o de Piñor, foi queimada unha caseta propiedade do Concello que é utilizada pola concesionaria do servizo de recollida do lixo, Urbaser. Juan de la Fuente denunciou este "acto vandálico" e lembrou que xa anteriormente se intentara queimar noutras ocasións. O custo da reparación dos desperfectos será asumido pola compañía de seguros. A Policía está a investigar a autoría deste incendio.

Volver


Mi compostela

Pon esta web más cómoda, más rápida, más a tu gusto.

Agenda


Enviar | Imprimir | Arriba

© 2005, Ayuntamiento de Santiago. Pazo de Raxoi. Praza do Obradoiro. Tel.: 981 542 300 (Centralita) 981 542 357 (Alcaldía). Aviso legal