ALCALDÍA

Celébrase esta tarde a Asemblea Xeral extraordinaria das Cidades Atlánticas

09/11/2020 Os alcaldes e alcaldesas e os presidentes de autoridades locais das Cidades do Arco Atlántico reuniranse a partir das 15.00 horas, por vía telemática, para celebrar a Asemblea Xeral Extraordinaria da entidade.

A asociación, composta por vinte autoridades locais que representan case 400 municipios e que propón desenvolver a cooperación entre os seus membros, foi creada no ano 2000 co obxectivo principal de dar voz ás autoridades locais do Arco Atlántico a nivel europeo.

A entidade celebrará esta tarde a súa Asemblea Xeral extraordinaria, que se desenvolverá nas catro linguas do Espazo Atlántico. Está previsto que nesta Asemblea Xeral se aprobe a reforma dos estatutos da asociación e a súa gobernanza e que se celebren eleccións ás Comisións Temáticas, ás vicepresidencias e ao Buró Executivo.

Así mesmo, presentaranse os orzamentos para o vindeiro ano 2021, o balance de contas e o Plan Estratéxico de Acción Urbana Atlántica, ao mesmo tempo que se presenta a posición europea das Cidades Atlánticas e a Declaración que pretende reafirmar a macro-rexión Atlántica como mecanismo de solidariedade e crecemento.

Compartir: