FESTAS

O concerto de Bad Religion no Multiúsos do Sar aprázase ao 14 de maio de 2021

01/05/2020 Debido á situación actual polo COVID-19, o concerto de Bad Religion previsto para o 30 de maio queda aprazado para o venres 14 de maio de 2021. Todas as entradas adquiridas para a xira deste ano serán totalmente válidas para as datas axendadas para o vindeiro ano, pero aquelas persoas que queiran o reembolso da entrada poden escribir un correo electrónico a info@entradasatualcance.com ou dirixirse ao punto de venda físico no que a compraran.

Con motivo do 40+1 aniversario da banda máis querida de punk rock, Bad Religion emprenderá a xira máis longa nunca feita na Península, e estará acompañada por bandas que normalmente son cabezas de cartel das súas propias xiras.

Esta xira fará a súa única parada no noroeste peninsular en Santiago de Compostela, no Multiúsos do Sar, como xa estaba programado, e contará coas seguintes bandas convidadas: Suicidal Tendencies, Millencolin, Desakato, Blowfuse e Bastards on Parade. Cock Sparrer non poderán acudir nas novas datas sendo substituídos por Suicidal Tendencies. Tampouco poderá acudir Talco, que serán substituídos polos suecos Millencolin.

A partir do sábado haberá sorteos nas redes sociais de HFMN Crew para premiar a fidelidade de todos/as os/as queden coas entradas xa adquiridas.

Compartir: