MEDIO RURAL

Continúa o operativo para reparar os danos causados polo temporal no rural

15/11/2019 A Concellaría de Medio Rural mantén activo o operativo para reparar os danos causados polo temporal de vento e choiva nas parroquias do rural compostelán. Púxose en marcha onte xoves ás 14:00 horas e continúa activo debido á dispersión dos danos e ás dificultades que ofrecen moitos terreos pola chuvia caída.

No operativo participan efectivos de Policía Local, Bombeiros, Protección Civil, Brigada Municipal e empresa Alcomte. Ata o momento foi preciso retirar árbores en: traxecto de Son a Chaián (5 árbores), Verdía (3), tramo entre a igrexa de Verdía e Lobre (15), Busto (3), Romaño (1), Tres Aldeas (1) e Lamascal (1).

Compartir: