ALCALDÍA

O alcalde participou na apertura do programa universitario "A Ponte"

23/09/2019 O alcalde de Santiago, Xosé Sánchez Bugallo, participou co reitor da USC, Antonio López, na inauguración do novo curso académico do programa A Ponte entre o Ensino Medio e a USC. O acto, celebrado no Salón Nobre do Colexio de Fonseca, reuniu equipos directivos e orientadores de centros de secundaria e bacharelato de toda Galicia.

O rexedor deu a benvida aos/ás asistentes e destacou a importancia da orientación académica nunha idade "ponte" como é a adolescencia. Aproveitou para valorar a oferta que Santiago, como cidade universitaria, pode ofrecer aos/ás estudantes, e o papel da USC na dinámica social da cidade.

Ante unha representación de preto dun cento de centros de toda Galicia, o delegado do reitor para Asuntos de Ensino Medio, Celso Rodríguez, presentou as actividades do programa A Ponte, entre as que se atopan as visitan aos distintos centros, charlas temáticas, cursos de formación para orientadores ou o programa Encontros na Zona USC. Outras actividades que a USC celebrará un ano máis son o acto de recoñecemento aos mellores expedientes, as charlas para ANPAS e público xeral sobre a oferta docentes e actividades universitarias, os Campus de Verán e información xeral sobre as probas de acceso á Universidade.

Compartir: