ACCIÓN CULTURAL

Santiago de Compostela achega a Coímbra (Portugal) a súa experiencia como Cidade Europea da Cultura

19/07/2019 A concelleira de Acción Cultural, Mercedes Rosón, participa este venres e mañá sábado en Coímbra (Portugal) no seminario "Europa das cidades. Europa da cultura", xunto con representantes das cidades de Aix-en-Provence e Poitiers (Francia), Esch-sur-Alzette (Luxemburgo) e Salamanca (España). O alcalde de Coímbra, Manuel Machado, recibiu as delegacións destas cinco urbes.

"¿Cómo establecer un marco para a cooperación e a mobilidade europea?" é o lema deste seminario, organizado no marco da candidatura de Coímbra a Capital Europea da Cultura 2027. Compostela, cidade irmandada con Coímbra -ao igual que as outras catro participantes- quere así manifestar o apoio á candidatura da urbe portuguesa e achegar a súa propia experiencia como Cidade Europea da Cultura no ano 2000.

Compartir: