MOBILIDADE
O Concello destinou máis de 95.000 euros ao acondicionamento do aparcadoiro, ao que se accede dende o punto máis afastado do cruce da avenida de Ferrol e a rúa de Conxo de Arriba. O acceso peonil faise a través dun camiño adaptado dende a pequena praza fronte á rúa de Sánchez Freire, ata o paso de peóns da rúa de Conxo de Arriba.
O novo estacionamento estará xestionado pola empresa municipal Tussa, baixo o regulamento da ORA e no réxime de longa duración,. Deste xeito, o tempo máximo de estacionamento será de 240 minutos, cunha tarifa de 1,05 euros. A intención do Goberno é introducir unha bonificación para que a primeira media hora de aparcamento sexa gratuíta, pero iso require a aprobación da modificación da ordenanza reguladora na que se está traballando. O obxectivo é levar o texto ao Pleno da Corporación a comezos de ano.
Mañá xoves entrará en funcionamento o estacionamento público da avenida de Ferrol
19/12/2018 Mañá xoves empezará a funcionar o aparcadoiro público en superficie da avenida de Ferrol, baixo o réxime da ORA de longa duración. Aténdese así a demanda do tecido comercial do barrio, que requiría que se asegurara a rotación do estacionamento.
O aparcadoiro público en superficie na avenida de Ferrol ocupa a parcela que estaba reservada para a construción do novo centro de saúde de Conxo, unha actuación que a Consellería de Sanidade non ten previsto acometer a medio prazo. O estacionamento contará cun total de 72 prazas, das que dúas serán para persoas con mobilidade reducida.O Concello destinou máis de 95.000 euros ao acondicionamento do aparcadoiro, ao que se accede dende o punto máis afastado do cruce da avenida de Ferrol e a rúa de Conxo de Arriba. O acceso peonil faise a través dun camiño adaptado dende a pequena praza fronte á rúa de Sánchez Freire, ata o paso de peóns da rúa de Conxo de Arriba.
O novo estacionamento estará xestionado pola empresa municipal Tussa, baixo o regulamento da ORA e no réxime de longa duración,. Deste xeito, o tempo máximo de estacionamento será de 240 minutos, cunha tarifa de 1,05 euros. A intención do Goberno é introducir unha bonificación para que a primeira media hora de aparcamento sexa gratuíta, pero iso require a aprobación da modificación da ordenanza reguladora na que se está traballando. O obxectivo é levar o texto ao Pleno da Corporación a comezos de ano.