EMPREGO

O Concello organiza o 5 e o 6 de novembro o primeiro Foro Colaborativo para o Emprego

13/10/2015 O Foro convertirase nun espazo de reflexión entre demandantes de emprego, empresas e axentes sociais para consensuar un Plan de Emprego para Santiago.

A Concelleira de Igualdade, Desenvolvemento Económico e Turismo, Marta Lois, presentou no Pazo de Raxoi o primeiro Foro Colaborativo para o Emprego, FOCO 2015, que nace co obxectivo de convertirse nun espazo de coñecemento do mercado laboral de Santiago, onde podan unirse demandantes de emprego e empresas. O evento celebrarase os días 5 e 6 de novembro no Pazo de Congresos de Galicia.

O FOCO 2015 é unha evolución respecto dos anteriores foros de emprego que se desenvolvían dende o Concello, introducindo como principal novidade un enfoque moito máis participativo tanto dos propios demandantes de emprego como das empresas participantes e os axentes sociais vinculados co mercado laboral da cidade, co obxectivo final de consensuar un Plan de Emprego para Santiago. Así, no FOCO 2015 poden dinstinguirse sete tipos de actividades e recursos:

Ofertas de Emprego: no evento realizaranse parte dos procesos de selección das ofertas xestionadas, entre o 1 de outubro e o 3 de novembro, no marco do FOCO 2015. A previsión é xestionar arredor de 100 postos de traballo. Encontros con Empresas para a captación de talento: no foro realizaránse encontros e entrevistas persoalizadas con empresas interesadas en preseleccionar candidatos para próximas contratacións. A previsión é contar con 50 empresas.

Envio de curriculums en formato dixital a ofertas e portais de recrutamento. No Foro haberá unha zona de terminais para que as persoas asistentes podan enviar os seus curriculums ás seguintes empresas: Ali Juguetes; Verisure; Securitas Direct; Limpiezas Salgado; Nails Coruña; Krack Zapaterías; Global Retail; Evelb ; EQA; Decathlon; Balidea; Everis; Ikea; Acnur; Idae Consultores; R Cable y Telecomunicaciones; C&A; San Francisco Hotel Monumento ;Peugeot Citroën; Leroy Merlin España, S.L.U.; Repsol S.A.; Carrefour; Vegalsa; Servitalent; Recursos Galicia, S.L.; Luckia; Elinco; STD Multiopcion; Academia Postal ;Ceblanal; DNS Empresas; Areté Gestión; Atos; Zemsania; Milenium Brands; Mnprogram; Menos Dez; Meisa; Restaurante Balcobo; Arestora Consultores; Ceblanal; Infonet.

Mesas participativas no marco do Pacto Local polo Emprego: crearanse espazos de participación en tres grandes áreas: empregabilidade; empresa e economía social; e cidadania e desenvolvemento. O programa inclúea a realización de 16 Mesas participativas, acompañadas de varios relatorios, así como un debate-coloquio, impartidos por destacados expertos na materia.

Actividades Formativas. O FOCO2015 inclue a realización de actividades formativas. Con propostas como 'Recoñecemento da experiencia profesional', seminarios prácticos para a introducción as redes social para a busca de emprego, 'Trámites legais para o bo funcionamento dun negocio de hostelería' ou 'Os certificados de profesionalidade. Que son, como se obteñen, requisitos de acceso’,

Presentacions de empresas e experiencias: máis de 20 empresas realizarán presentacións aos demandantes de emprego sobre as características dos seus procesos de recrutamento e selección. Stands de empresas: máis de 20 empresas estarán a disposición das persoas asistentes para informar sobre os seus proxectos, con una presencia destacada de empresas situadas no ámbito da economía social e a promoción do emprego.

O FOCO, Foro Colaborativo para o emprego, é unha actividade que se desenvolve no marco do Programa Local de Apoio ao Emprego cofinanciado polo Fondo Social Europeo e que o Concello de Santiago de Compostela leva a cabo xunto coa Camara de Comercio de Santiago

Compartir: