ALCALDÍA

O alcalde reúnese co Colexio Profesional de Xornalistas de Galicia

06/10/2015 O alcalde reuniuse hoxe co Colexio Profesional de Xornalistas de Galicia, co obxectivo de estudar posibles vías de colaboración entre o Concello e a entidade.

Na xuntanza con Martiño Noriega participaron o decano do Colexio, Xosé Manuel Pereiro, a vicedecana, Rosa Aneiros, e un dos representantes territoriais da entidade en Santiago, Xaime Leiro.

Na reunión, o alcalde comprometeuse a que o Concello participe nas xornadas sobre Publicidade Institucional que quere organizar o Colexio Oficial de Xornalistas de Galicia, en colaboración con distintas administracións locais e provinciais e co propósito de establecer unhas pautas de boas prácticas. Ademáis, o Colexio presentoulle a Martiño Noriega outros proxectos, fundamentalmente formativos.

O Colexio Profesional de Xornalistas de Galicia é a entidade que ostenta a representación legal dos xornalistas galegos. Actualmente conta con 1.100 colexiados e colexiadas , dos que case a metade residen e/ou traballan en Compostela.

Compartir: