CULTURA
O concerto celebrarase este domingo 26 de abril, ás 12:00 horas, no Teatro Principal, con entrada libre ata esgotar localidades, sendo un concerto máis dos que a Banda está a ofrecer dentro da súa tempada de primavera.
Será tamén unha oportunidade para convidar o público ao concerto do 10 de maio, en homenaxe a Amador Santos Bartolomé, quen foi director da Banda Municipal máis de 40 anos.
Concerto da Banda Municipal de Música coa colaboración de Carlos Méndez, contrabaixo principal da Real Filharmonía de Galicia
24/04/2015 A Banda Municipal de Santiago e a Real Filharmornía de Galicia unen forzas para ofrecer a todos os melómanos de Compostela un concerto moi especial. A Banda ofrecerá, dentro do seu concerto dominical, a obra A double bass fantasy, do compositor catalán Moisès Bertran, acompañada por Carlos Méndez, contrabaixo principal da Real Filharmonía. Esta obra foi composta por solicitude do contrabaixista húngaro Ivan Stankov e foi estreada en xaneiro de 2014 na cidade de Barcelona.
A Banda abrirá o concerto coa Sinfonietta nº2 do compositor inglés Philip Sparke, seguirá con Viva música!, do compositor americano Alfred Reed, e pechará a súa actuación coa suite Spartacus, do compositor soviético Aram Khachaturian.O concerto celebrarase este domingo 26 de abril, ás 12:00 horas, no Teatro Principal, con entrada libre ata esgotar localidades, sendo un concerto máis dos que a Banda está a ofrecer dentro da súa tempada de primavera.
Será tamén unha oportunidade para convidar o público ao concerto do 10 de maio, en homenaxe a Amador Santos Bartolomé, quen foi director da Banda Municipal máis de 40 anos.