SERVIZOS

Retrasarase o depósito do lixo na vía pública ata despois do paso das procesións durante a Semana Santa

26/03/2015 Co fin de garantir unhas condicións axeitadas na cidade, e máis por mor dos milleiros de visitantes que se van achegar nesta Semana Santa, lembrase á veciñanza de Compostela, en especial á do Casco Histórico, o necesario cumprimento da normativa vixente en materia de residuos urbanos e limpeza viaria recollida na Ordenanza de convivencia, residuos e limpeza viaria.

O calendario e horarios das procesións a ter en conta son os seguintes:

- PROCESIÓN DA VIRXEN DAS DORES, día 27 de marzo ás 21:00 horas.
- PROCESIÓN DA ESPERANZA, día 29 de marzo ás 18:00 horas.
- PROCESIÓN DA HUMILDADE, día 30 de marzo ás 21:30 horas.
- PROCESIÓN SANTÍSIMO CRISTO DA PACIENCIA, día 31 de marzo ás 21:00 horas.
- PROCESIÓN DA ORACIÓN DO HORTO, día 31 de marzo ás 22:30 horas.
- PROCESIÓN VÍA CRUCIS, día 1 de abril ás 20:00 horas.
- PROCESIÓN DOS ESTUDANTES, día 1 abril ás 23:00 horas.
- PROCESIÓN DA ÚLTIMA CENA, día 2 de abril ás 19:00 horas.
- PROCESIÓN DE XESÚS FLAXELADO, día 2 de abril ás 23:30 horas.
- PROCESIÓN DA QUINTA ANGUSTIA, día 3 de abril ás 18:00 horas.
- PROCESIÓN DA SANTO ENTERRO, día 3 de abril ás 20:00 horas.
- PROCESIÓN DA SOIDADE, día 3 de abril ás 23:00 horas.
- PROCESIÓN DOS IRMÁNS, día 4 de abril ás 20:00 horas.

Polo tanto, nos días de procesión deberá retrasarse o depósito do lixo na vía pública ata despois do paso da mesma ou esperar ao día seguinte no horario establecido na ordenanza (a partir das 21.00 horas).

Tamén se poderá depositar o lixo nos colectores colectivos nos lugares habituais.

Compartir: