XUNTA DE GOBERNO

Máis de 340.000 euros para o arranxo de 37 pistas en 17 parroquias do rural compostelán

12/09/2014 A Xunta de Goberno adxudicou por 341.946 euros as obras de arranxo de 37 pistas en 17 parroquias do rural compostelán. Actuarase sobre case 83.000 metros cadrados.

As obras de acondicionamento e mellora de pistas municipais están incluídas no Plan de Obras e Servizos da Deputación da Coruña (POS 2014). Trátase, segundo explicou o alcalde de Santiago, Agustín Hernández, de "afrontar o deterioro dos firmes e pavimentos das estradas das parroquias do concello, debido ao seu uso e ás inclemencias do tempo, e para mellorar as comunicacións entre os núcleos de poboación".

O contrato adxudicouse á empresa Francisco Gómez e Cía por un importe de 341.946 euros (IVE incluído). As obras comezaranse a executar nos próximos días e consistirán, fundamentalmente, na reparación de panos completos en todo o ancho de tramos de calzada, e en obras complementarias para incrementar o nivel de seguridade e comodidade e incrementar a súa vida útil (limpezas de cunetas, reposición de gabias, tubaxes ou arquetas...).

As actuacións desenvolveranse en 37 pistas que discorren por 17 parroquias e nunha superficie total de 82.878 metros cadrados. Actuarase nas seguintes parroquias e pistas:

- Santa Cristina de Fecha: pista de Frensa (1.356 m2).
- San Xoán de Fecha: pistas de Roán (1.891 m2), Lamascal-Fecha (942 m2) e Lamascal-Ponte Vilar (15.922 m2).
- Grixoa: pistas de Grixoa-Miramontes (4.855 m2) e Grixoa-Marzo (2.861 m2).
- San Caetano: Pista de A Gracia-Escarabuña (3.315m2).
- Peregrina: pista da Peregrina (1.031 m2).
- Verdía: pistas de Chaián-Insuas (3.485 m2) e Lobra (839 m2)
- Nemenzo: pistas de Nemenzo de Arriba (2.350 m2), Paradelas (1.214 m2) e Muíños (467 m2).
- Busto: pistas de Os Currais (3.083 m2), O Castro - Vilariño (1.653 m2) e Vilariño (673 m2).
- Marantes: pistas de Os Mallos - Autoestrada (4.793 m2), Gosende (1.826 m2) e Cortos (1.075 m2).
- O Carballal: pista de Tarrío (1.327 m2).
- O Eixo: pistas de Bornais (1.053 m2) e Bornais - Uceira (1.521 m2).
- Marrozos: pistas da Igrexa (450 m2), Sixto (1.827 m2) e Corexo (606 m2).
- Sabugueira: pistas de Lavacolla - Castiñeira (2.540 m2), Lavacolla - Correos (1.241 m2).
- Bando: pista de Bando - campo de fútbol (1.303 m2).
- Aríns: pistas da rúa da Pena (2.606 m2), Sobríns (6.215 m2), Dios Diante (1.561 m2) e Vilacoba (1.794 m2).
- Villestro: pistas de Pousada (1.180 m2), Feáns (484 m2), Pedrido (701 m2) e Barcia (1.078 m2).
- Laraño: pista de Loimil (1.760 m2).

Documentos relacionados



Compartir: