SEGURIDADE E MOBILIDADE

Comezan as obras de reurbanización das rúas Basquiños e Pastoriza, con reordenación do tráfico e do transporte urbano

16/08/2014 Con motivo do inicio o próximo luns, 18 de agosto, a partir das 9:00 horas, das obras de reurbanización das rúas Basquiños e Pastoriza, o tramo comprendido entre a praza da Paz e a rúa de Coimbra quedará cortado ao tráfico, con algunhas excepcións.

A reordenación do tráfico queda do seguinte xeito:

- Dende a praza da Paz só poderán acceder os residentes e o transporte escolar.

- A subida de Santa Clara córtase a altura da avenida de Coimbra, desviando o tráfico por esta. Quedará permitido o paso a residentes e a carga e descarga.

- O transporte urbano de entrada á cidade accederá pola avenida de Xoán XXIII, subirá pola avenida de Coimbra e seguirá pola rúa de Santa Clara. A saída da cidade do autobús será a inversa: rúa Santa Clara, avenida Coimbra con saída a Xoán XXIII cara a praza da Paz.

- A travesa dos Basquiños queda cortada dende o primeiro momento. Tanto os residentes desta travesa como os que acceden dende a rúa de Arzúa subirán polo tramo que hai entre estas e a rúa de Touro, polo que no devandito tramo se inverte o sentido da circulación.

Transporte urbano
Tal como se indicaba anteriormente, as liñas de transporte urbano utilizarán como vía alternativa as avenidas de Xoán XXIII e Coimbra, manténdose igual o resto da estrutura xeográfica da liña.

As paradas que quedan temporalmente sen servizo son:

• Parada 366 – Pastoriza nº 103 A
• Parada 125 – Basquiños nº 28
• Parada 367 – Pastoriza nº 22

Recoméndase a todos os usuarios que utilicen as paradas de San Caetano, Ánxel Casal e Santa Clara.

O Concello de Santiago de Compostela prega aos cidadáns desculpen as molestias que estas alteracións no tráfico e no transporte urbano lles poidan ocasionar.

Compartir: