Concello de Santiago de Compostela

• Noticias
• Axenda
• Servizo de Prensa
• Rolda de Subscrición

Axenda
Martes 19 de abril 2011

Axenda

Exposición de Carolina Caluori: "Give me your picture..."

Nova mostra na Zona "C", desta volta coa artista arxentina Carolina Caluori, que expón unha montaxe baixo o título Give me your picture....

[19/04/2011 10:00] Do 9 de febreiro ao 24 de abril na Zona "C".

Axenda

Mostra con motivo do 50 aniversario da Agrupación Cultural O Galo

A Agrupación Cultural O Galo celebra o seu 50 aniversario e para celebralo, a Fundación 10 de Marzo coa colaboración da Concellaría de Cultura e da propia Agrupación preparou unha exposición sobre a súa historia. A mostra, baixo o título A primeira década do canto do galo, xira arredor dos primeiros 10 anos de traxectoria da agrupación.

[19/04/2011 18:30] Do 15 de marzo ao 19 de abril, no local do Galo (praza de San Miguel, 5-baixo), en horario de 18:30 a 21:00 horas.

Axenda

The Gustaf Sjökvist’s Chamberchoir no Festival de Músicas Contemplativas

The Gustaf Sjökvist’s Chamberchoir (Suecia)
Gustaf Sjökvist, director
Jan Lundgren, piano
Jesper Lundgaard, violoncello e contrabaixo
Magnum Mysterium: Varios autores
(Ingmar Bergman, in memoriam)

[19/04/2011 19:30] O martes 19 de abril, ás 19:30 horas, na igrexa das Ánimas.

• Programa

Axenda

Concerto de Mohammad Motamedi (Irán)

Mohammad Motamedi (Irán) no Festival de Músicas Contemplativas.

Abbos Kosimov, doyra
Sirojiddin Juraev, dutar

Música e poesía mística do imperio persa

[19/04/2011 21:30] O martes 19 de abril, ás 21:30 horas, na igrexa da Universidade.

• Programa

Axenda

Os gravados de Manoel Bonabal na Casa das Asociacións

A Concellaría de Participación Cidadá leva á Casa das Asociacións a exposición Pingas, na que o artista compostelán Manoel Bonabal amosará gravados (xilografía e monotipias) coa temática da chuvia.

A mostra enriquecerase tamén coas achegas colectivas da obra dos participantes nun taller de gravado no que poderán participar de balde oito asistentes (de balde). Faranse fundamentalmente xilografías aditivas, se ben puntualmente, se o tempo o permite, se realizará algunha intervención en augaforte. Disporase de tórculo, pranchas de linóleo, gubias, rodillos, etc. Os asistente deberán traer unha bata ou roupa para traballar (tintas). No caso de contar con algunha gubia de xilografía, ou material de gravado, agradécese traelo. O taller poderase prorrogar á semana seguinte de interesar aos participantes.

[19/04/2011 22:00] Do 6 ao 29 de abril, na Casa das Asociacións (Rúa Manuel Beiras 3, antiga estación de Cornes.

O obradoiro celebrarase os días 12, 13 e 14 de abril de 17:00 a 20:00 horas. Máximo 8 participantes a partires dos 14 anos.

Inscricións:
Casa das Asociacións
Teléfono: 981 542 350
participacioncidada@santiagodecompostela.org

Axenda

"A memoria da xente" en Vite

A exposición A memoria da xente segue a súa andaina polos barrios composteláns no CSC de Vite. Trátase dunha mostra gráfica e audiovisual que converte en protagonistas as pequenas historias anónimas de Compostela e aborda ao conxunto da cidade desde 1900 ata 1975.

[19/04/2011 22:00] Do 19 de abril ao 4 de maio, no Centro Sociocultural "José Saramago" de Vite.

Axenda

Exposición "Con A de Astrónomas" no Castiñeiriño

Con A de Astrónomas é unha historia que empeza hai miles de anos, quizáis centos de miles, cando as nosas antepasadas, con "a", miraron ao ceo e preguntaron que había nel. É seguro que, xa entón, as mulleres mediron o tempo observando a Lúa e o Sol.

[19/04/2011 22:00] Do 7 ao 23 de abril, no Centro Sociocultural do Castiñeiriño.

Axenda

"Casus belli + Refutación do contexto"

O Auditorio de Galicia produce unha nova exposición, baixo o título Casus belli + Refutación do contexto, comisariada por Ángel Cerviño e Alberto González Alegre. A mostra xira en torno aos conflitos de recepción na arte contemporánea. Inclúe obras de: Jorge Barbi, Xosé Carlos Barros, Fernando Casás, Xavier Correa Corredoira, Marisa Fernández, Manolo Figueiras, Juan Loeck, Alain Magri, Rut Massó, Din Matamoro, Manuel Moldes, Marina Núñez, Simón Pacheco, Pelucas, Diego Santomé, Xoán Torres, Jesús Valmaseda, Proxecto Buraco e Proxecto Ocultacións.

[19/04/2011 22:00] Do 6 de abril ao 17 de xullo, no Auditorio de Galicia.