Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



MOBILIDADE

Corte de tráfico na rúa da Silvouta (2 de febrero)

O 2 de febreiro, a empresa Viaqua vai levar a cabo traballos de poda das árbores da rúa da Silvouta, polo que é preciso pechar ao tráfico a devandita vía dende as 10.00 ata as 13.00 horas. Os desvíos estarán sinalizados.

O Concello de Santiago pregalle á cidadanía que desculpe as molestias que estas alteracións lle poidan ocasionar.

SEGURIDADE CIDADÁ

Incidencias Policía Local

SERVIZOS PRESTADOS POLA POLICÍA LOCAL

Dende as 08:00 horas do día 31/01/2023 ata as 08:00 horas do día 01/02/2023


--:-- LOCALIZACIÓNS PERMANENTES: de dúas persoas.
--:-- CONTROL E INSPECCIÓNS: en varias zonas da cidade.
--:-- ACCIDENTES DE TRÁFICO E RECLAMACIÓN DE DANOS:
• As 10:30 horas DELITO CONTRA A SEGURIDADE VIARIA, na rúa Alejandro Pérez Lugín, o condutor dun turismo conduce constándolle unha perda de vixencia do permiso para conducir.
• As 14:00 horas ACCIDENTE DE CIRCULACIÓN, na Praza de Galicia entre dous vehículos, con resultado de danos materiais.
• As 21:20 horas DELITO CONTRA A SEGURIDADE VIARIA, na rúa Benéfica de Conxo, o condutor dun vehículo conduce tendo decretada unha perda de vixencia pola perda dos puntos asignados.
23:35 RECUPERACIÓN DE VEHÍCULO: Na rúa Ulpiano Villanueva recupérase unha motocicleta que figuraba como subtraída. É trasladada ao depósito municipal.
--:-- FESTAS EN PISOS: acódese a 7 pisos, 5 negativos.

MOBILIDADE

Servizos para asistir ao partido de baloncesto no multiusos Fontes do Sar (sábado 4/2/2023)

Consulten os servizos de transporte para asistir ao partido do Monbus Obradoiro o sábado 4 de febreiro ás 20:45 no multiusos Fontes do Sar:

Haberá un servizo lanzadeira desde a rúa da Rosa ata o multiusos Fontes do Sar a partir das 19:45.

A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 19:45, 20:00, 20:15 e 20:30. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino á rúa da Rosa.

MOBILIDADE

Corte de tráfico na rúa das Casas Reais a partir do 6 de febreiro

A partir do vindeiro luns, 6 de febrero, e polo prazo de dúas semanas pecharase ao tráfico a rúa das Casas Reais para realización de traballos de mantemento do pavimento.

O Concello de Santiago pregalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na zona do Campo de Conxo a partir do 1 de febreiro

A partir do vindeiro mércores día 1 de febreiro, a Xunta de Galicia vai proceder coa reparación de parte do pavimento da obra que realizou no contorno do barrio de Conxo. O tramo afectado é o comprendido entre a rotonda de acceso da SC-20 e a rotonda da rúa Benéfica de Conxo, xunto a Televés.

Estes traballos conlevan que, dende esa data e durante un prazo de 2-3 semanas, o tráfico de subida cara ao centro da cidade quedará cortado á altura da mencionada rotonda de Televés, circulación que xa estaba limitada ao bus urbano e transportes autorizados.

Queda permitida a circulación de entrada dende a rotonda da SC-20 cara a rúa de Torrente e adxacentes.

Transporte urbano
Por mor deste corte, a partir do mércores 1 de febreiro ás 9.00 h, produciranse os seguintes cambios:

*Desde a rotonda de Conxo cara o Campo e a Benéfica de Conxo (Televés), os autobuses poderán circular con normalidade (liña 5 sentido Rocha e liña C2).

*Desde a Benéfica de Conxo (Televés) cara a rotonda de Conxo, a liña 5 en sentido centro cidade e Vite, a liña 12 e a liña C4 só poderán chegar ata Televés, desde onde realizarán cambio de sentido voltando por Torrente, rotonda de Volta do Castro, periférico SC-20 e desde a rotonda de Conxo continuará cada liña có seu itinerario habitual, ben á avda. de Ferrol (liñas 5 e 12), ben a Ramón Baltar (liña C4).

-Quedará suprimida a parada 412, Psiquiátrico de Conxo, en sentido centro cidade. Os usuarios poden dirixirse ás paradas anterior ou posterior dos percorridos das liñas (Benéfica de Conxo - Televés, avda. de Ferrol ou Ramón Baltar, dependendo da liña).

O Concello de Santiago prega á cidadanía que desculpe as molestias que estas alteracións lles poidan ocasionar

MOBILIDADE

Corte de tráfico na rúa do Monte do Seixo a partir do luns 16 de xaneiro

A partir do vindeiro luns 16 de xaneiro, a rúa do Monte do Seixo vai quedar cortada ao tráfico por mor das acometidas que Viaqua ten que realizar para darlle servizo ao centro de maiores que se está a construír na zona.

As obras terán unha duración de 5 días e durante este tempo a rúa quedará cortada ao tráfico, polo que non se poderá acceder dende a rúa do Restollal. Pola parte de arriba da rúa, cortarase o paso á altura da rúa de Mariví Villaverde, empregando esta rúa como desvío alternativo.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Modificación na liña 4 na zona do Romaño (a partir do mércores 30 de novembro)

A partir do mércores 30 de novembro, a liña 4 do transporte urbano modificará por motivos de seguridade a súa parada terminal de liña na zona do Romaño.

En todos os servizos da liña, os autobuses realizarán o cambio de sentido en Ponte do Romaño na rotonda de confluencia có vial que accede ao polígono do Tambre, realizando deste xeito a parada situada ao carón da devandita rotonda.

A actual parada terminal da liña 4 pasará a ser a segunda parada do percorrido en sentido ao centro da cidade.

MOBILIDADE

Modificación na liña P7 (a partir do luns 21 de novembro)

A partir do luns 21 de novembro, varios servizos do autobús que cobre a ruta de Pardaces da liña P7 modificarán uns minutos a súa saída:

Luns a venres laborables:

*Pardaces - Porta do Camiño, 6:50 --- pasa a realizarse ás 6:45

*Pardaces - San Caetano, 7:30 --- pasa a realizarse ás 7:20

*San Caetano - Peregrina (circular Aradas), 7:55 --- pasa a realizarse ás 7:45

*Volta Peregrina-Aradas-Pardaces-Porta do Camiño, 8:15 --- pasa a realizarse ás 8:05

Os restantes horarios da liña se manteñen como na actualidade.

MOBILIDADE

Corte de tráfico na rúa Costa do Vedor (a partir do 21 de novembro)

A partir do vindeiro luns, 21 de novembro, a rúa Costa do Vedor quedará cortada ao tráfico por mor da realización de obras para a reparación da parte da calzada que conta con chapacuña. O tramo afectado, que se estende dende o cruce coa rúa Pablo Leis ata a Cruz de San Pedro (dos números 2 ao 14 e do 1A ao 17), estará totalmente pechado á circulación durante 12-14 días, o tempo necesario para o fraguado do material.

No resto da rúa, os residentes poderá acceder aos seus garaxes a través da rúa Quiroga Palacios, polo que para facillitar o posible cruce entre vehículos,quedará prohibido o aparcamento en superficie das dúas zonas existentes da rúa.

De igual modo, o luns día 28 de novembro, as obras de reparación do pavimento trasladaranse á rúa das Fraguas. Nesta caso, a realización dos traballos permitirá a circulación dos vehículos, pero o espazo de estacionamento estará destinado ao paso dos vehículos, polo que quedará prohibido o aparcamento.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa dos Xasmíns

No marco do proceso da implantación do servizo de fibra óptica, pecharase ao tráfico a rúa dos Xasmíns dende o martes 15 de novembro durante 15 días.

O Concello de Santiago prega á cidadanía que desculpe as molestias que estas alteracións lles poidan ocasionar.


Compartir: