Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



SEGURIDADE CIDADÁ

Incidencias Policía Local

SERVIZOS PRESTADOS POLA POLICÍA LOCAL
Dende as 08:00 horas do día 27/09/2022 ata as 08:00 horas do día 28/09/2022


--:-- LOCALIZACIÓNS PERMANENTES: dunha persoa.
13:10 REQUIRIMENTO: na vía Edison, Policía Nacional require para sancionar por un permiso de conducir caducado.
16:05 ACCIDENTE DE CIRCULACIÓN: na rúa do Hórreo con San Pedro de Mezonzo, entre un turismo e unha bicicleta, con resultado de danos materiais e lesións leves. O condutor da bicicleta dá positivo na proba de drogas.
16:31 ACCIDENTE DE CIRCULACIÓN: no recinto do CHUS, entre dous vehículos, con resultado de danos materiais.
17:49 AUXILIO: no parque de Belvís préstase auxilio a unha persoa.
17:56 PROBA DE DROGAS: Na rúa París, ao condutor dun vehículo, con resultado positivo.
18:55 RECLAMACIÓN DE DANOS: a condutora dun vehículo reclama danos supostamente causado por outro na rúa Eduardo Pondal.
22:45 RECLAMACIÓN DE DANOS: en dependencias policiais, preséntase o condutor dun turismo reclamando danos ocasionados, supostamente, na rúa Salgueiriños de Arriba.
22:50 RECLAMACIÓN DE DANOS: en dependencias policiais, preséntase o condutor dun vehículo, reclamando danos causados, supostamente, no parking do Hórreo.
INSPECCIÓN DE LOCAIS: inspecciónanse cinco locais.
FESTAS EN PISOS: acódese a un piso.
02:35 DELITO CONTRA A SEGURIDADE VIARIA E PROBA DE DROGAS: na avenida de Barcelona co Hospital Clínico e a requirimento de PN, fanse probas de alcohol e drogas ao condutor dun vehículo, arroxando resultado positivo en alcohol (vía penal) e tamén en drogas (vía administrativa).

MOBILIDADE

Modificación nas liñas P6 e 13 (a partir do luns 19 de setembro)

A partir do luns 19 de setembro, modifícase o seguinte horario na liña P6:

*A saída do polígono do Tambre das 8:05 pasará a realizarse ás 8:00 (de luns a venres laborables).

O horario dos sábados mantense como na actualidade.

Tamén desde o vindeiro luns, os traxectos da liña 13 entre Xeneral Pardiñas e Belvís, despois da rúa Virxe da Cerca, continuarán pola rúa de San Pedro, Calzada de San Pedro e rúa de Belvís, para acceder novamente a Quiroga Palacios.

As paradas a realizar despois da Virxe da Cerca son as seguintes:

*Porta do Camiño (inicio da rúa de San Pedro)
*Rúa de San Pedro, igrexa (confluencia Calzada de San Pedro)
*Calzada de San Pedro (Don Bosco)
*Rúa de Belvís (Convento de Belvís)
*Avda. Teodomiro (Seminario Menor)
*Quiroga Palacios nº 10
*Quiroga Palacios nº 54

A liña, por tanto, deixará de realizar o desvío actual nese sentido de circulación por San Roque, Pastoriza e avda. de Lugo.

MOBILIDADE

Cortes de tráfico en Lamas de Abade e en Pontepedriña a partir do martes 12 de xullo

A praza donde conflúen as rúas de Lamas de Abade, da Chaparra e Divina Pastora, permanecerá pechada ao tráfico a partir de mañá martes 12 de xullo por mor das obras de reurbanización que se van a executar nese punto. A duración aproximada dos traballos será dun mes.

Esta intervención conleva os seguintes cambios na circulación da contorna:

- A rúa da Chaparra quedará cortada ao tráfico dende o cruce coa rúa de Alfredo Vicenti. A circulación aos centros de ensino e á rúa Divina Pastora desviarase pola rúa Alfredo Vicenti cara a praza de Federica Montseny e dende este punto poderase acceder á rúa da Divina Pastora.
- A baixada pola rua Divina Pastora quedará desviada facendo o percorrido anterior á inversa.
- Os residentes da rúa de Lamas de Abade accederán ás suas vivendas a través da rúa de Alfredo Vicenti.
- O acceso provisional ao CIFP Compostela farase dende a rúa Divina Pastora.

Pontepedriña

Tamén desde mañá martes 12 de xullo e ata o xoves 14, a pista de terra que arranca dende o aparcadoiro regulado polo sistema ORA, situado en Pontepedriña, debaixo da ponte do tren, ata a rúa do Penedo, vai quedar cortada debido aos traballos de reparación da mesma.

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Servizos de transporte para o ciclo "Atardecer no Gaiás" na Cidade da Cultura (xoves e venres dos meses de xullo e agosto)

Con motivo dos concertos que terán lugar na Cidade da Cultura, enmarcados no ciclo "Atardecer no Gaiás", os xoves e venres dos meses de xullo (días 7, 8, 14, 15, 21, 22, 28 e 29) e agosto (días 4, 5, 11, 12, 18, 19, 25 e 26), reforzaranse os servizos de trasporte.

O acceso á Cidade da Cultura pódese realizar coa liña 9 nos horarios dispoñibles na web de Tussa. Para a volta, tras a finalización dos concertos, a saída da liña C11 ás 22:33 do C.C. As Cancelas fará prolongación á Cidade da Cultura saíndo ás 22:45, e continuando o seu percorrido habitual cara o centro.

MOBILIDADE

Funcionamento do transporte urbano na rúa dos Concheiros

Por mor das deficiencias observadas no funcionamento dos colectores soterrados da rúa dos Concheiros, estes non poderán estar operativos ata que sexan subsanadas pola empresa instaladora antes da súa posta en marcha efectiva. Unha vez se resolvan e se retiren os colectores provisionais, comezará a funcionar o servizo de transporte público pola devandita rúa.

O Concello de Santiago prega á cidadanía que desculpe as molestias que estas alteracións lles poidan ocasionar.

MEDIO AMBIENTE

Reforzo no servizo de recollida do lixo no casco histórico do 15 de xuño ao 15 de setembro

Como consecuencia do incremento da actividade comercial e hostaleira na tempada de verán no casco histórico, e co obxectivo de mellorar a limpeza e ornato das rúas, o Concello de Santiago reforza este servizo, establecendo unha dobre recollida do lixo dende o 15 de xuño ao 15 de setembro.

Así, os residuos deberán sacarse á rúa en bolsas pechadas e introducirse dentro dos contedores, co seguinte horario:

1.- Vivendas particulares e comercios (agás hostalería): a partir das 20:30 horas.
2.- Locais de hostalería: a partir das 02:00 horas.

O Concello de Santiago agradece a colaboración no cumprimento da norma e o do horario, sen a cal esta dobre recollida non obtería os resultados para os que foi deseñada.

Relación de rúas e prazas con dobre recollida:

San Francisco, Obradoiro, Fonseca, Praterías, Conga, Xelmírez, rúa Nova, Toural, Bautizados, Franco, Raíña, rúa do Vilar, Rodrigo de Padrón, San Clemente, Trindade, Hortas, Pombal e Carretas.

MOBILIDADE

Ampliación dos servizos de transporte urbano ao aeroporto

Desde o pasado 8 de xuño, o servizo de transporte urbano ao aeroporto incrementou en 3 as súas frecuencias diarias, dando cobertura deste xeito ás últimas chegadas de viaxeiros á terminal aeroportuaria. Así, o servizo complétase con estas novas saídas:

Saídas do Aeroporto cara a rúa do Hórreo (est. Intermodal): 23:30, 00:00 e 00:20

MOBILIDADE

Corte de tráfico na rúa da Atalaia coa rúa da Algalia de Arriba

A partir do vindeiro mércores 8 de xuño, a rúa da Atalaia no seu cruzamento coa rúa da Algalia de Arriba quedará cortada ao tráfico por mor das obras de mantemento e reparación do pavimento no recinto intramuros da cidade histórica de Santiago.

A vía permanecerá cortada por un prazo de dúas semanas.

O Concello de Santiago prega á cidadanía que desculpe as molestias que estas alteracións lles poidan ocasionar.

SEGURIDADE CIDADÁ

Incidencias Policía Local

SERVIZOS PRESTADOS POLA POLICÍA LOCAL

Dende as 08:00 horas do día 16/05/2022 ata as 08:00 horas do día 17/05/2022

MOBILIDADE

Servizos especiais de transporte urbano para asistir ao partido de baloncesto no multiúsos Fontes do Sar (sábado 14 de maio)

Con motivo do partido de Monbus Obradoiro o vindeiro sábado 14 de maio ás 20:45 no multiúsos Fontes do Sar, ofrecerase un servizo lanzadeira desde a rúa da Rosa a partir das 19:15.

A liña C11 (circular de Fontiñas) accederá ao multiúsos Fontes do Sar nas viaxes con paso aproximado por Xeneral Pardiñas ás 19:30, 19:45, 20:00, 20:15 e 20:30. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino á rúa da Rosa.


Compartir: