Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



MOBILIDADE E SEGURIDADE CIDADÁ

Incidencias Policía Local

Dende as 08:00 horas do día 08/07/2020 ata as 08:00 horas do día 09/07/2020
-- COCIÑA ECONÓMICA: Servizo nas quendas de comida. Sen incidencias.
-- ÁREA CENTRAL: Control no interior do centro comercial. Sen incidencias..
-- PRESUNTO DELITO EXCESO DE VELOCIDADE: Dilixencias para determinar a implicación nun delito contra a seguridade viaria dun vehículo por feitos acontecidos o pasado 16 de abril na rúa do Restollal.
-- RETIRADAS DE VEHÍCULOS ABANDONADOS: Nas rúas de Agustín Sixto Seco e do Cotaredo.
13:50 ACCIDENTE DE TRÁFICO: Na rúa do Hórreo, entre dous vehículos, con danos materiais. Dilixencias.
14:30 ACCIDENTE DE TRÁFICO: Na rotonda da Galuresa, entre dous vehículos, con danos materiais. Dilixencias.
15:50 RECLAMACIÓN DE DANOS: Unha condutora reclama danos supostamente causados no seu turismo por un camión. Dilixencias.
14:20 FURTO: Na rúa de Quiroga Palacios, onde se produce a detención dun individuo por un furto. Un axente da Policía Local fóra de servizo retén o suposto autor do furto ata a chegada dunha dotación do CNP. Dilixencias.
-- CONTROL TERRAZA: Inspecciónase en varias quendas a terraza dun local hostaleiro.
21:30 DELITO CONTRA A SEGURIDADE VIARIA: Dilixencias por delito contra a seguridade viaria ao condutor dun vehículo que circulaba co carné de conducir sen puntos pola rúa de Xosé Pasín.
23:35 RUÍDOS: Acódese a un local hostaleiro da rúa de Atenas, onde varias persoas consumen alcohol na vía pública. Identificacións.
23:50 AUXILIO: Dunha persoa caída no interior do seu domicilio da rúa de Frei Rosendo Salvado. Acoden os Bombeiros.
02:25 NEGATIVA USO MÁSCARA: Acódese a un local hostaleiro da rúa de Frei Rosendo Salvado, onde o seu propietario manifesta a negativa dunha cliente a utilizar a máscara.
06:02 ROTURA DE AUGA: Comunícase unha rotura da rede de subministración en Conxo para a súa reparación.
-- CONTROL DE PARQUES: Controis na quenda de noite dos parques de Belvís, Parlamento, Emilia Pardo Bazán e Alameda. Sen incidencias.

MOBILIDADE

Servizo de transporte para o ciclo "Atardecer no Gaiás" na Cidade da Cultura (os xoves dos meses de verán)

Con motivo dos concertos que terán lugar na Cidade da Cultura, enmarcados no ciclo "Atardecer no Gaiás", varios xoves dos meses de xullo, agosto e setembro, os/as asistentes poderán facer uso do servizo de transporte público:

O acceso á Cidade da Cultura pódese realizar coa liña 9. No enlace adxunto pódense consultar os seus horarios e itinerario.

Para a volta tras a finalización dos concertos, o autobús da liña fará unha saída engadida da Cidade da Cultura ás 22:50 h, que rematará na praza de Galicia.

Días: os xoves 9, 16 e 23 de xullo; 6, 13, 20 e 27 de agosto; e 3 de setembro.

MOBILIDADE E SEGURIDADE CIDADÁ

Corte de tráfico na rúa de Sánchez Freire e afectación ao servizo de transporte urbano (sábado 11)

Con motivo de obras nos números 75 e 79 da rúa de Sánchez Freire, esta permanecerá cortada ao tráfico o sábado 11 de xullo entre as 8:00 e as 15:00 horas.

Este corte provocará desvíos nas liñas 5 (en sentido A Rocha) e C2 do transporte urbano no horario indicado. Os autobuses seguirán pola rúa de Xosé Pasín e avenida de Ferrol, retomando o seu itinerario na rotonda de Conxo.

Quedará suprimida a parada 575, Sánchez Freire, e realizarase unha parada alternativa na avenida de Ferrol, á altura da praza da Mercé.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

MOBILIDADE E SEGURIDADE CIDADÁ

Horarios de verán 2020 no transporte urbano

O mércores 1 de xullo entran en vigor os horarios de verán no transporte urbano. Todas as liñas recuperan os horarios habituais da tempada de verán.

No documento adxunto poden consultarse os horarios e frecuencias por liña.

Nos vindeiros días facilitarase a modificación de horarios no folleto impreso habitual, e realizarase a sustitución da cartelería nas paradas da cidade.

MOBILIDADE E SEGURIDADE CIDADÁ

Modificacións de tráfico na avenida de Lugo e desvíos no servizo de transporte urbano

A execución da nova fase dos traballos que a Consellería de Infraestruturas e Mobilidade está a desenvolver no cruce dos Concheiros coa avenida de Lugo e Rodríguez de Viguri fan necesario novos cambios do tráfico a partir do luns 15 de xuño.

Os principais cambios na ordenación do tráfico implican levar ás glorietas os movementos actuais do cruce, o que tamén suporá modificacións na circulación do transporte público. Tamén se restrinxe o tráfico en Fonte de Concheiros. Máis en concreto, eliminaranse os xiros no nó de Concheiros, permitíndose o acceso dende Concheiros á avenida de Lugo unicamente en sentido descendente. Ademais, en Fonte de Concheiros cara o nó permitirase só a entrada a garaxes e residentes.

Na rotonda provisional da estación de autobuses habilitaranse os dous carrís interiores, quedando o carril dereito cortado. Nesta zona, os traballos permitirán xa dimensionar as rotondas da avenida de Lugo e da estación de autobuses co seu tamaño definitivo.

Pola súa banda, na avenida Rodríguez de Viguri retiraranse provisionalmente as prazas de aparcamento en sentido descendente, o que permite manter habilitado un carril en cada sentido.

Estas novas medidas permiten manter sen modificacións o resto dos cambios actuais na reordenación do tráfico.

Así, na avenida de Lugo mantense habilitado un carril por sentido a través das vías de servizo, con acceso en sentido descendente ata a rotonda situada xunto ao centro de saúde das Fontiñas.

Tamén na rúa Londres seguirá con sentido único descendente e a rúa Berlín manterase con sentido único ascendente, ao tempo que segue prohibido o xiro dende a vía de servizo da avenida de Lugo cara á rúa Berlín. Ademais mantéñense os aparcamentos na avenida de Lugo e as recomendacións na SC-20 para que os vehículos que se dirixen ao centro comercial As Cancelas ou á Xunta se desvíen pola rúa Roma.

Desvíos no transporte urbano

Todas as liñas que circulan pola zona terán que realizar desvíos. Estes afectarán ás liñas 6, 9, 13, C2, C4, C5, C6 e C11.

A información completa de itinerarios de desvío, paradas suprimidas e paradas alternativas por liña pode consultarse no documento adxunto.

O Concello de Santiago de Compostela prega á cidadanía desculpe as molestias que estas alteracións lles poidan ocasionar.

Direccións relacionadas

FACENDA

Novo calendario fiscal: ampliación de prazos

A Concellaría de Facenda lembra que está vixente o novo calendario fiscal, con ampliación de prazos en varios impostos e taxas municipais:

- Imposto sobre Vehículos de Tracción Mecánica (IVTM): dende o 5 de maio ata o 5 de xullo, ambos incluídos (ou día hábil inmediato posterior).

- Imposto sobre Bens Inmobles (IBI urbano, rústico e de características especiais): dende o 5 de xullo ata o 5 de outubro. Tendo en conta que o último día para acollerse ao sistema especial de pago se fixa o 30 de maio, de facer uso desta posibilidade, o primeiro prazo e pago remataría o 5 de agosto, o segundo o 5 de outubro e o terceiro o 5 de novembro.

- Taxas por ocupación de vía pública (vados): dende o 5 de xuño ata o 5 de setembro, ambos incluídos (ou o día hábil inmediato posterior).

- Taxas por ocupación de vía pública por mesas e cadeiras: dende o 5 de setembro ata o 5 de novembro ambos incluídos (ou día hábil inmediato posterior). Farase constar a dedución da parte correspondente polo tempo que non se puideron utilizar estas mesas e cadeiras.

Direccións relacionadas

MOBILIDADE E SEGURIDADE CIDADÁ

Corte de tráfico no vieiro de Clara Campoamor

Con motivo das obras de reurbanización do vieiro de Clara Campoamor, esta rúa vai quedar cortada ao tráfico a partir das 8:00 horas do xoves 14 de maio e ata o remate das obras.

Os desvíos estarán sinalizados de tal xeito que sexa o túnel do Hórreo o que canalice o tráfico na zona sur da cidade (Castiñeiriño) a través da SC-11, avenida de Santiago de Cuba, e tamén para a entrada ou saída dende a SC-20 – N-550.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

Compartir: