Oito concertos en oito escenarios diferentes porán o punto e final ás festas do Apóstolo 2008

FESTAS

30/07/2008 Tras catorce intensos días cheos de actividades, as festas do Apóstolo chegan ao seu fin cos tradicionais fogos na escalinata do campus universitario, que corren a cargo da empresa pirotécnica de Ricardo Caballer. O espectáculo comezará ás 23:00 horas do xoves 31. Tras os fogos chegará o momento de despedir as festas por todo o alto. Celébrase por primeira vez Ata o Amanecer, onde haberá oito concertos en oito puntos diferentes da cidade, co obxecto de prolongar a festa neste último día ata altas horas da madrugada.

Música pop, latina, Dj´s, orquestras e swing serán algúns dos estilos que se poderán escoitar en diferentes puntos da cidade. Cómpre destacar o espectáculo que ofrecerán na Quintana Smoking Stones, co seu Tributo a Rolling Stones, converténdose en verdadeiros clons dos artistas británicos. Ademais deste espectáculo poderase gozar de boa música en Cervantes, en San Paio de Antealtealtares, en Mazarelos, na Alameda, no Toural, no Campus Sur e na Praza Roxa. Os espectáculos son os seguintes:

- Cervantes. 22:00 horas.- Finalistas do Certame Música Xove: Loba Loo e GS21

- Quintana. 24:00 horas.- Smoking Stones. Tributo a Rolling Stones

- San Paio de Antealtares.- Son Tres e Quique Azambuya Trío

- Mazarelos. 01:00 horas.- Finalistas Certame Música Xove. Thinking Twice, Codename e Brétema

- Alameda. A partir das 01:30 horas.- Orquestra Olympus

- Toural. 01:00 horas.- No Reply

- Campus Universitario. 23:30 horas.- Santa Fe, Guajiros, Dj Juan Magán, Dj Marcos Rodríguez

- Praza Roxa. 24:00 horas.- Finalistas Música Xove: Sinestesia, Dirty Socks, Pa la Peña, Bronquitis Crónica